El programa electoral que val pa echar cuentes

Aparte del programa electoral col que se presenta cada partíu o agrupación a estes elecciones, esiste otru "programa" electoral, esti pa ordenadores, que, en cuenta d'ufiertar propuestes, val pa calcular los representantes de cada partíu acordies a los votos que saque.

La ferramienta electrónica val pa les elecciones municipales y desarrolláronla ente la empresa aragonesa IA soft, Microsoft y otros collaboradores. Más de 8.000 conceyos de menos de 100.000 habitantes van mandase d'esti programa, que pue descargase de baldre, pa dar los resultaos la nueche del 25.