El Principáu centra na orfebrería, les artes y les ediciones bibliográfiques les sos propuestes pa 'Asturies 2008'

La conseyera de Cultura y Turismu, Encarnación Rodríguez, y la directora xeneral de Promoción Cultural y Política Llingüística, Copnsuel Vega, presentaron güei delles de les propuestes del Gobiernu del Principáu pa les conmemoraciones 'Asturies 2008', ente les que destaquen ediciosnes relixoses, históriques y d'orfebrería; y actividaes musicales y escéniques.

La Conseyería organiza pal 2008 delles actividaes xunto a la Universidá d'Uviéu, el Conceyu d'Uviéu, l'Arzobispáu y la Xunta Xeneral del Principáu, con motivu de les efemérides de los 400 años de la fundación de la Universidá, los 1.000 y 1.200 de les cesiones de les cruces de los ánxeles y la victoria a la Ilesia, y los 200 del llevantamientu escontra la invasión francesa.

Amás, la propuesta del Principáu inclúi'l centenariu del descubrimientu de les cueves rupestres del Pindal; y los 40 de la de Tito Bustillo.

Cultura va organizar ente los díes 22 y 27 de setiembre del 2008 el 'Symposium internacional sobre aspectos de la Europa Altomedieval y relacionaos colos XI y XII de les cruces d'Uviéu'. Amás, según señaló la conseyera, ta prevista pal 2009 la edición de les actes del alcuentru en dos volumes, ún que va recoyer les ponencies y otru que se va centrar nun 'corpus' de les cruces europees analizaes.

Otra de les iniciatives del Principáu va ser la edición de la 'Biblia della badía della cava dei Tierrni', que ta en Nápoles y del que los orixes s'ubiquen nel Reinu d'Asturies. Nel ámbitu editorial tamién va entamase la publicación de los estudios de Helmut Schulunk y Víctor H. Elbern sobre pieces d'orfebrería asturiana.