El presidente de la Patronal de la Construcción convida a la mocedá a buscar trabayu nel sector

El presidente de la Confederación Asturiana de la Construcción (CAC), Serafín Abilio Martínez, declaró ayeri que'l sector precisa de mano d'obra y afaló a la mocedá a plantegase la colocación nel sector. El presidente de la patronal de la construcción asturiana afirmó que los oficios de la construcción tienen agora "otru reconocimientu social" y unes retribuciones "meyores que n'otres profesiones". Abilio afirmó que lloñe de ser un desastre, ye preciso convencer a la sociedá de que trabayar na construcción ye digno y supón un frenu a la emigración xuvenil n'Asturies, peritando les necesidaes del sector en cerca de 1.000 profesionales nuevos cada añu en cuantes que por xubilaciones yá se pierden alredor de 600 puestos de trabayu al añu.

Abilio fizo estes declaraciones na firma d'un conveniu con Caxa Rural d'Asturies pa la creación d'una tarxeta profesional pa los trabayadores del sector que, amás de les ventayes financieres cola entidá, va valir p'almacenar l'historial llaboral del titular.