El PP niega qu’amagostare cola FSA la Procuradoría Xeneral

El Partíu Popular negó la interpretación que fai Izquierda Xunida sobre’l repartu de cargos ente FSA-PSOE y PP na Procuradoría Xeneral d’Asturies y que la coalición que preside Jesús Iglesias diz que ye’l resultáu d’un pautu amagostáu ente los dos partíos mayoritarios. El representante popular Ovidio Sánchez negó la mayor asegurando que’l repartu de cargos na Procuradoría Xeneral yera’l resultáu d’un xuegu lóxicu de mayoría y equilibrios y acusó a IX de “querer xustificase énte’l so electoráu” y escaecer asuntos de fondu como sedría’l casu del repartu de los fondos de cohexón