El PP denunció na Xunta Xeneral el llibru "Construyendo Asturies"

El PP metió per rexistru de la Xunta Xeneral del Principáu un petición formal pa que s'entame una comisión d'investigación sobre'l llibru "Construyendo Asturies". La solicitú, que tien calter d'urxencia, pide que s'aclarie "la intervención que tuvo'l Gobiernu asturianu na ellaboración, financiación, edición y repartu" del llibru anónimu que fai propaganda de los llogros y proyectos del Gobiernu asturianu. El PP pide que too ello s'estudie acordies a lo que manda la llei de propaganda institucional que ta pa entrar en vigor y caifica la obra de "episodiu escandalosu" nel que la participación de l'alministración autonómica ye evidente

La Mesa de la Xunta Xeneral ye la que tien de calificar la petición del PP y treslladá-yosla a los grupos parlamentarios.

Casu d'oponese daqué grupu a ella, como ye d'esperar que s'oponga la FSA-PSOE, la solicitú tendría de votase na Xunta Xeneral del Principáu. Dende IX-BA, tercer grupu con representación na cámara, el conseyeru de Xusticia Javier García Valledor reclamare la creación d'esta comisión, pero'l coordinador de la coalición Jesús Iglesias aseguróque dende IX-BA queríen más que'l Gobiernu ficiere una investigación interna.