"El País" escueye la de Xixón ente les meyores webs de conceyos del Estáu

El suplementu de nueves tecnoloxíes del diariu el País Ciberp@aís valoró nel so estudiu añal la la web institucional del Conceyu de Xixón como la quinta meyor d'España tres de les de Zaragoza, Barcelona, Castellón y Hospitalet. El suplementu del periódicu líder de la prensa española sorraya que la de Xixón ye una de les 12 webs institucionales de les 93 páxines de conceyos analizaes que cumple cola llei de d'accesibilidá, faltándo-y namás el serviciu de certificáu dixital que va inxertase d'equí a la vuelta poco na web. El Conceyu de Xixón yá fai pela web el 25% de les llicencies, autorizaciones y demás trámites menores, pero la intención del conceyu ye que nel 2009 puea llegase al 50% de los espedientes tramitaos per esta vía.