“El orfanato” va competir pol Oscar a la meyor película estranxera

'El orfanato', de Juan Antonio Bayona, salió seleccionada güei pa representar a España na 80 edición de los Oscar de l'Academia de Hollywood que va anunciar el llistáu definitivu de candidatos na madrugada del próximu 22 de xineru en Los Angeles. La cinta, que tuvo ayuda económica del Gobiernu asturianu, rodóse en llanes y el so guion lleva la firma del asturianu Segio Sánchez

Cuando s'anunció la preselección de les tres películes que diben representar a España na próxima edición de los Oscar, el director novel Juan Antonio Bayona mostróse "sorprendíu" por tar ente les tres preseleccionaes cola so ópera prima, que va abir el Festival de Cine de Sitges el próximu 4 d'ochobre.
'El orfatano, producida por Guillermo del Toro, estrénase'l próximu 11 d'ochobre n'España. La cinta cuenta la historia de Laura, una muyer que decide abrir una residencia pa neños discapacitaos nel orfanatu que la vio medrar.

"Ye una primer película pa casi tol equipu y notmaos l'apoyu de la industria dende'l principiu", apuntó, añadiendo que pese a non tar estrenada tovía nes sales comerciales, nos festivales pelos que viaxó furruló.
Más qu'al xéneru fantásticu Bayona precisó que'l so filme protagonizáu pol Belén Rueda, Geraldine Chaplin y Fernando Cayo, "trespasó'l xéneru". "Tien una intención psicolóxica", puntualizó'l realizador, que va ver cómo s'estrena'l so primer llugar n'EE.UU'l próximu 28 d'avientu.