El Nalón nun va tar nel sortéu de Copa al cayer nos penaltis col Solares

|
Copa

Los representantes asturianos van ser el Sporting, l'Uviéu, l'UC Ceares y el Llanera.

El Nalón raspió la opción de recibir a un Primera División. L'equipu de preferente que quedó fuera del ascensu na fase final de la temporada pasada debutó na Copa con una derrota en penaltis nel so partíu de ronda previa col Solares llueu d'igualar nel minutu 89 el tantu inicial del equipu cántabru nel minutu 19.

Con una gran entrada en Fumea, l'equipu de Lluniego aguantó'l resultáu de 1-1 na prórroga, pero na tanda tuvo más acertáu'l rival, que camudó al porteru pa los llanzamientos dende los 11 metros. Un tiru altu y una parada de Luis dieron el pase al Solares, que yá espera a un Primera División.

Mañana de tarde

El sortéu de la primer ronda de Copa va tener llugar mañana a les 16.30 hores na Ciudad del Fútbol de Las Rozas y nél van tar presentes los dos equipos asturianos de Segunda y lo dos de Segunda RFEF que finaron como primeru y segundu la temporada pasada na yá desapaecida Tercera División, el Ciares y el Llanera, de manera respeutiva.

Éstos van recibir con cuasi toa seguridá un Segunda División, que podríen ser el Sporting o l'Uviéu, anque tamién hai pequeñes opciones de que-yos toque un Primera o un Primera RFEF. De xuru ye que los dos clubes profesionales van visitar a un Segunda RFEF a partíu únicu.

Semeya propiedá de la Real Federación Española de Fútbol (RFEF).

Contador Estadistiques