El nacionalismu flamencu avanza en Bélxica

L'alianza ente nacionalistes y democristianos flamencos, que reclama más autogobiernu pa Flandes, ganó les llexislatives belgues, un reultáu electoral qu'obligó a presentar ayeri la so dimisión al primer ministru belga, el lliberal Guy Verhofstadt.

El partíu demócrata-cristianu reclama que'l gobiernu federal tresfiera más competencies a Flandes y el so líder, Ives Leterme, que va ser posiblemente'l nuevu primer ministru, yá fexo reclamaciones nesi sentíu.

Les negociaciones pa formar gobiernu por parte del candidatu ganador coles fuerces que lu tendríen que sofitar puen durar selmanes, por causa de lo complicao del mapa políticu belga y en cuantes que pa la investidura ye preciso contar col sofitu de los dos tercios de la cámara, pero'l trunfu de Leterme, xunto colos malos resultaos de socialistes, pinten un panorama políticu con grandes cambeos en Bélxica, onde la comunidá francófona valona, cola so economía en crisis, ve agora como'l nacionalismu flamencu gana puestos.