El meyor Jazz Asturiano

Una riestra de los meyores músicos asturianos de Jazz van actuar esti miércoles día 11 en Xixón.

La Fundación Municipal de Cultura de Xixón va tiempu qu'entama una serie de conciertos col programa "Jazz en el Centro". Esti programa quier ser una forma d'averar al públicu xeneral el jazz, y tamién una forma d'amosar que tamién n'Asturies faese bon jazz y que tenemos a la vuelta la esquina músicos de gran nivel nesti estilu musical.

El conciertu va ser esti miércoles a les 20:00 hores nel salón d'actos del Antiguu Institutu de Xixón, y nél vamos poder ver a les bandes "Dienda" y "Tout Sweet". La cabara ta formada pol vigulinista Peter Bulla, más conocíu por tocar col gaiteru José Ángel Hevia. Diego Parada y Jose Ramón Gutiérrez nes guitarres y Adolfo García col contrabaxu completen esta interesante formación. Pela so parte "Dienda" son Dani Casielles, baxista de "Los Ciquitrinos", pero que nesta formación aporta la so voz, Javier Rubio col saxu, Jacobo de Miguel nel pianu, Juan Carlos Pizarro pal baxu y Fernando Arias pa la batería, too con munchu swing. Recomendámosvos esti conciertu que promete ser una sesión de música bono, amás de convidavos a que visitéis la nuestra guía d'ociu pa que veáis más conciertos, cartelera de cine, esposiciones y demás actividaes culturales.