El Guirria de San Xuan sal el día d'añu nuevu

Esti xueves, día d'añu nuevu, va celebrase la mazcarada d'iviernu de Ponga. El Guirria de San Xuan va percorrer el pueblu xunto colos aguilanderos a partir del meudía.

La comisión qu'entama esti aguilandu tradicional organiza delles actividaes festives alredor de la mazcarada que principien esta nueche, a les 23 hores, col sortéu de mozos y moces. Mentes, mañana, a les 21.30 hores va tener llugar la cena de críos, pa siguir a les 23.30 hores cola verbena amenizada pol Dúo Caramelo y Chus Serrano. Pa finar, el llunes a les 18.30 hores va celebrase la cabalgata de Reis y a les 22 hores, la cena de mozos, pa darréu dar pasu a una verbena nueva colos mesmos artistes.