El grupu d’opinión Algamar convoca un debate sobre urbanismu y ecoloxía

El grupu de debate en clave asturianista "Algamar" que lleva delles selmanes funcionando en conceyu Siero organiza mañana miércoles 26 el so primer dactu públicu, que va consistir nuna conferencia sobre ecoloxía y desarrollu urbanísticu que va contar cola participación de Carlos Lastra López, profesor de la Universidá d'Uviéu y presidente d'A.N.A. y de l'arquitectu Xuan Pedrayes Obaya. La cita ye nel salón d'actos de la Casa la Cultura de La Pola Siero, el miércoles, 26 de setiembre a les 19:30 hores.

"La falta de planificación racional del tipu d'Asturies que pretendemos construyir" qu'atalanten los miembros d'Algamar ye'l puntu de partida d'un debate que dende'l grupu de debate quieren llevar apropuestes pa "un modelu territorial equilibráu qu'integre les ales y la zona rural nun desarrollu sostenible que nun marafundie los recursos naturales, que nun vienda la costa o'l campu asturianu a los intereses especulativos del capital". Dende Algamar opinen que "l'urbanismu tien que dar respuesta real a la demanda de vivienda, y los poderes públicos tienen que facilitar l'accesu a esti bien básicu" y denuncien que la importación de "modelos tipu Marbella", la masificación turística, les grandes infraestructures como Caliao o Lada-Velilla y el monocultivu enerxéticu "nun atienden pal verdaderu desarrollu económicu d'Asturies nin busquen respuesta a les necesidaes colectives, sinón que van tres del enriquecimientu y espoxigue de grandes grupos económicos y de poder".