El Gobiernu va dar ayudes pol fueu de Busindre

La Conseyera de Mediu Rural y Pesca, Servanda García, y el Director del Institutu de Desarrollu Rural aconceyaron col Alcalde de Valdés y el Presidente de la Parroquia Rural de Barcia p'apautar les midíes d'ayuda coles qu'entornar los efectos del fueu qu'esta selmana abrasó 2.000 hectárees en Busindre

Ente les midíes va tar l'analís de la madera que quemó nel fueu pa peritar cuanto d'ello va poder pagase, la restauración de les 40 hectárees de monte que quemaron y que dependen directamente de la Conseyería y tamién l'apertura d'una llinia específica d'ayudes empobinaes a los propietarios particulares pa la recuperación de les sos tierres dañaes pol fueu. En cualquier casu, estes ayudes van depender de que la investigación apaute si'l fueu foi intencionáu.