El Gobiernu presenta un plan pa potenciar la sociedá de la información

El Conseyu de Gobiernu autorizó l'unviu Xunta Xeneral del Principáu d'Asturies del proyectu "e-Asturias 2007 - Estratexes pal desarrollu de la Sociedá de la Información", un plan que pretende la implantación de la sociedad de la información n'Asturies al traviés de seyes llinies d'actuación y más de setenta proyectos.

Los oxetivos de "e-Asturias 2007" pretenden acutar un marco de referencia común qu'enxerte les iniciatives más importantes rellacionaes cola Sociedá de la Información. El documentu recueye les aportaciones d'un grupu d'espertos en materia de Tecnoloxíes de la Información y les Comunicaciones de distintos ámbitos públicos y particulares, según anuncó'l gobiernu asturianu.

Les actuaciones más importantes que se recueye en plan son garantizar l'accesu de toles persones a la Sociedá de la Información y crear una cultura dixital n'Asturies, modernizando les infraestructuras tecnológicas del Principado, apoyar la adaptación de las pequeñas y medianas empreses y dixitalizar y modernizar l'alministración y servicios públicos asturianos, xunta la presencia del país n'internet.

No tocante a los usuarios, el plan márcase l'oxetivu de que nel añu 2007 les cases asturianes con conexón a Internet pasen del 25,6 por cientu al 32 por cientu, y que polo menos el 70 por cientu d'elles tengan conexón en banda ancho, llegando la televisión de pagu al 45 por cientu de la población . Pa les empreses , el plan márcase oxetivos más ambiciosos, y trátase de que nel 2007 el 95% de les empreses tengan conexón a internet, el 85 por cientu d'elles con banda ancha. El plan pretende que'l 55 pr cientu de los trabayadores s'avecen al usu del ordenador y el 38 por ciento de les plantiyes llaborales use internet como una ferramienta de trabayu más. La prsencia de la plataforma internacional W3C n'Asturies apaez tamién nel plan, que diz qu'esta va tener que valir de catalizador pa que guañen empreses nueves dientro d'esti sector que factura ente 700 y 800 millones d'euros al añu n'Asturies.