El Gobiernu asturianu entrega les Medalles d'Asturies

El Gobiernu asturianu, dientro de los actos institucionales del
"Día d'Asturies", va entregar les "Medalles
d'Asturies", reconocimientu públicu a persones, colectivos y
instituciones qu'a xuiciu de les autoridaes asturianes fixeren un llabor
positivu pa col nuesu país. La Medalla d'Oru otórgase esti
añu a títulu póstumu a Rodrigo Uría, presidente del
Patronatu del Muséu del Prado, fináu en xunu pasáu. Les
medalles na categoría de plata concediéronse a
l'Asociación de Muyeres Campesines, al Comité Organizador del
Descensu Internacional del Seya, a la llibrera Conchita Quirós
Suárez, al Grupu Daniel Alonso, a la Sociedá Filarmónica
d'Uviéu y a la Unidá Terapéutica de Villabona.

Los actos d'entrega de les medalles va facese nel auditoriu Príncipe
Felipe d'Uviéu. Xusto enantes, a les 18:00 hores, va desarrollase
l'habitual Plenu Institucional de la Xunta Xeneral. Nesti plenu van intervenir
los portavoces de los tres grupos políticos con representación na
Xunta Xeneral, n'orde de menor a mayor: IX-BA-LV, PP y PSOE. La
intervención de la Presidenta del parlamentu asturianu, la socialista
María Jesús Álvarez González, va pesllar la
sesión plenaria.