El Gobiernu asoleya les convocatories pa les ayudes del fondu COVID-19 al turismu, la hostelería y el comerciu

Les conseyeríes de Cultura, Política Llingüística y Turismu, y Industria, Emplegu y Participación Económica asoleyaron les convocatories pa les ayudes a los sectores turísticu, hosteleru y comercial pola pandemia COVID-19. Nesta primer tanda, a la que tamién van acceder la cultura y el deporte, el Gobiernu destina 74 de los 100 millones acutaos nos Presupuestos d'esti añu.

El Gobiernu decidió repartir esta cantidá en delles convocatories, una primera de mayor algame y les siguientes nel segundu semestre, previsiblemente única, pa dar respuesta a las necesidaes que puedan surdir en función de la evolución del andanciu. Más del 60 por cientu de las subvenciones de l’actual van al turismu y hostelería, 45.018.225 euros a repartir ente 10.000 persones según el tipu de negociu y el númberu d’emplegaos, mentes que’l 28 por cientu, 21.713.500 euros, va a otros 11.000 profesionales del comerciu, los servicios, los tresportes y similares.

Ayeri espublizáronse nel BOPA les bases de les que tán baxo resposabilidá de Turismu, mentes que güei foi’l turnu de les d’Industria. El vienres, mentes, van asoleyase les dos últimes llinies d’ayudes, dirixíes a actividaes culturales (3.501.000 euros) y deportives (3.543.500 euros), pa completar los 73.776.225 euros d’esta primer convocatoria pa los sectores más afeutaos pola pandemia.