El gas protagoniza un reportaxe en 'A la Gueta'

L'artículu esplica en poques pallabres qué ye’l gas natural y el gas llicuao y cómo se trata enantes de llegar a los llares y les fábriques.

Últimamente fálase muncho del gas natural con motivu de la guerra n’Ucrania. Muncho del que llega a Europa procede precisamente de Rusia, del que dependen sobre manera los países más cercanos, como Alemaña.

L'amenaza d'un posible corte del suministru lleva a éstos a optar por otres alternatives, como la llegada de gas llicuao d'otru gran productor, Estaos Xuníos, en barcos. ¿Sabes cómo s'estrái y se tresporten? Esti reportaxe de 'A la Gueta los Sueños' firmáu por Efrén d'Andrés y enfocáu a un públicu mozu, esplícalo.

Na imaxe, estracción y tratamientu del gas natural y el gas llicuao.