El fiscal pide un añu de cárcele pal ex - alcalde de Ribeseya

El fiscal pide un añu de presidiu para el ex alcalde popular de Ribeseya, José Miranda Reigada, y pa la so muyer, acusaos los dos por delitu contra la ordenación del territoriu, un castigu que s'amestaría a la petición d'ocho años d'inhabilitación pa cargu públicu prevaricación urbanística y un añu d'inhabilitación especial pa toa actividá rellacionada cola construcción o promoción de construcciones.

El fiscal presentó un escritu de conclusiones en xulgáu de Cangues d'Onís en qu'asegura que, siendo alcalde Miranda nel añu 2002, los acusaos fexeron una construcción nueva dientro de la finca que teníen na Reserva Natural Parcial de Cueva Rosa, calificada como suelu non urbanizable d'especial protección.
La xueza Mónica Casado decretó l'apertura de xuiciu oral pa los acusaos y dio parte a l'Axencia Tributaria pa qu'informe sobre los bienes y derechos que tean rexistraos en propiedá de los acusaos.