El Conseyu d’Europa aprobó la entrada de Montenegro

L'Asamblea Parlamentaria del Conseyu d'Europa dio ayeri'l preste a la entrada nel organismu de la República de Montenegro, declarada apocayá país independiente tres d'esgayase de l'antigua Yugoslavia. La entrada de la república nueva va facese efectiva'l 9 de mayu, pero pa poder siguir nel organismu, Bruseles dio orde de que'l país redacte una constitución nueva y de que ratifique'l Conveniu Europeu de Derechos Humanos.

Montenegro va ser d'esta miente'l miembru númberu 47 de Conseyu d'Europa, con trés escaños n'Asamblea Parlamentaria.

La entrada de Montenegro va coincidir col turnu de presidencia nel sén del Conseyu d'Europa de Serbia, precisamente'l país del que Montenegro s'independizó al traviés d'una consulta popular el pasáu branu.