El Conseyu de Gobiernu noma cuatro direutores xenerales nuevos

El Conseyu de Gobiernu, presidíu por Francisco Álvarez-Cascos, decidió'l nomamientu de cuatro direutores xenerales nuevos. D’esta forma, namái queden dos direiciones xenerales por repartir pa zarrar la estructura final del Gobiernu.
 
Los direutores xenerales nuevos son Salustiano García (Interior y Emigración), Ana García Pando (Turismu), José Miguel García Arias (Ordenación del Territoriu y Urbanismu) y Juan Miguel Llanos Lavigne (Carreteres y Tresportes Terrestres). Tres estes designaciones quedaríen por axudicar dos direiciones xenerales:la de Trabayu y la de Teunoloxíes de la Información y les Comunicaciones. Amás, el Gobiernu aprobó güei tamién el nomamientu de Patricia González del Valle García como direutora de l’Axencia Asturiana de Cooperación al Desarrollu.
 
Otra manera, el Conseyu designó al conseyeru d’Economía y Emplegu, José Manuel Rivero Iglesias, como representante d’Asturies nel conseyu d’alministración de la Sociedá Pequeños y Medianos Astilleros Sociedá en Reconversión, S.A. (Pymar). Otra decisión foi’l nomamientu de los representantes asturianos nel conseyu d’alministración de la Xestión d’Infraestructures Públiques de Telecomunicaciones. Éstos van ser el propiu Rivero; Jesús Rubio, viceconseyeru de Política Sectorial: Javier Méndez, direutor xeneral d’Industria y Enerxía; Llanos; y la persona que vaya a ocupar la direición xeneral de Teunoloxía de la Información y les Comunicaciones.

Comparte...                                    

Enllaz permanente