El Conceyu de Xixón niega'l permisu pa dar clases de toréu a neños na playa de San Llorienzu

La clase de toréu pa neños y neñes que tenía previsto poner Miguel Ángel Perera'l 12 d'agostu na playa de San Llorienzu nun va celebrase. El Conceyu de Xixón nun concede permisu.

Esta actividá venía celebrándose nos dos años últimos, anque na plaza de toros d'El Bibio. Nesta ocasión, los organizadores decidieron sacalo del recintu pa llevalo a la sablera principal xixonesa y llegar a más neños, dalgo que llevantó polémica nes redes sociales. Asina, en dos díes algamáronse 11.000 firmes en contra na web Change.org, motivu suficiente que llevó al ayuntamientu xixonés a nun conceder permisu pa la organización d'esta actividá encuadrada dientro de la Feria de Begoña.