El Cabu Peñes convoca un concursu pa un vídeu promocional

El Serviciu de Normalización Llingüística y Mancomunidá Cabu Peñes, cola collaboración de la Conseyería de Cultura, Comunicación Social y Turismu, convoca la primer edición del primer Certame de Videu Promocional en Llingua Asturiana "Mancomunidá Cabu Peñes". L'oxetu del concursu ye facer un videu publicitariu en Llingua Asturiana, con llargor d'unos tres minutos y dando-y puxu al potencial turísticu de los Conceyos de Carreño y Gozón .

El concursu ta abiertu a la entrega de proyectos hasta'l 28 de setiembre, entamando entós un plazu de 10 díes nel que'l xuráu va valorar cual ye'l proyectu meyor. D'entós en p'alantre, el proyectu ganador va pasar a fase de realización, teniendo de tar fechu'l vídeu pal 5 d'avientu . El certame tien un premiu únicu de 950 € sometíu a les retenciones fiscales que correspuendan. Les bases del concursu puen consultase na páxina web de la Mancomunidá Cabu Peñes .