Eduardo Martínez Llosa (FAC), alcalde nuevu de Siero

El Plenu estraordinariu convocáu en Siero pa votar la moción de censura al alcalde socialista Guillermo Martínez desendolcó nel nomamientu d’Eduardo Martínez Llosa como primer edil. FAC va gobernar en coalición con PVF y Conceyu.
 
Martínez Llosa ye’l cuartu alcalde de Siero en namái dos años tres salir escoyíu güei depués de la decisión de de la titular del Xulgáu de lo Contencioso-alministrativu númberu 6 de’Uviéu, conocida esti miércoles, d’almitir el recursu presentáu por trece conceyales de la oposición municipal pa celebrar un Pleno estraordinario nel que votar una moción de censura Martínez que foi refugada’l 31 d’ochobre pasáu pola Mesa d’Edá. El primer edil nuevu garra l’alcaldía gracies a los apoyos de los cuatro conceyales espulsados del PP (Luis Vázquez, María Jesús Berdasco, Engracia Valle y Mauricio Bogomak), los dos de la Plataforma Vecinal de La Fresneda (PVF) y l’únicu de Conceyu.
 
Asina, Foro Asturias Ciudadano (FAC) va gobernar ún de los conceyos más poblaos d’Asturies en coalición con PVF y Conceyu. La oposición nueva pasará a tar formada pol PSOE (seis ediles), Izquierda Xunida-Los Verdes d’Asturies (trés ediles) y los dos conceyales del PP que nun avalaron la moción de censura.