Ediles de conceyos afeutaos pol plumeru de La Pampa debaten sobre esta problemática

|
Ediles de conceyos afeutaos pol plumeru de La Pampa debaten sobre esta problemática

#LluchandoPolaSoberanía sigue cola so compaña contra les especies invasores.

Baxo'l nome de 'Plumeru La Pampa fuera d'Asturies, el papel de los conceyos na so erradicación' entámase esti alderique nel que van participar ediles de diferentes partíos de conceyos afeutaos pola presencia d'esta planta invasora. Asina, van tar presentes Javier Piquero, de Somos Siero; María José Miranda, d'IX Grau; Antón Martínez Fernández, de Conceyu Abiertu por Noreña; Luis García Calvo, del PSOE de Samartín del Rei Aurelio; y Rosario Hernández, de Somos Llangréu.

Estos conceyales van debatir sobre les perspeutives y maneres d'afrontar la plaga y el papel de los gobiernos d'Asturies y del Estáu español como responsables del espardimientu de la planta, amás de poner en común posibles soluciones pa poner fin a la colonización del plumeru de La Pampa, ensin escaecer a otres especies invasores. L'alderique va celebrase esta tarde, a les 19.30 hores, nes Escueles de Bobes/Valbona, cola collaboración de l'Asociación de Vecinos de Bobes.

Na semeya, militantes de #LluchandoPolaSoberanía y vecines y vecinos de Bobes/Valbona mientres una xornada de retirada d'exemplares na parroquia sierense n'ochobre.

Contador Estadistiques