Drd presenten el so discu n'El Barucu

El tríu de folk Drd va tocar los temes del so primer discu
mañana xueves 28 nel local xixonés El Barucu.



"Namái" ye'l títulu del discu d'esta formación
que fai la so estrena discográfica na casa FonoAstur con un trabayu nel
que s'inxerten 14 temes, y que se grabó nos estudios Tutu de Corvera
baxo producción del mesmu grupu. Los miembros del grupu, que son Diego Pangua
cola xiblata, Rubén Bada nel bouzouki y Dolfu Rodríguez col
vigulín, van presentar los cantares d'esti discu mañana xueves a
partir de les 21:00 hores n'El Barucu, chigre asitiáu na
cai almacenes nel centru de Xixón. Pa sentir un pequeñu adelantu
del conciertu y del discu convidamos a los nuesos llectores a sentir
Asturies.com Radio
onde yá puen escuchase dellos cantares d'esti primer discu de Drd.