DRD lleva la so música a Llanera

La escuela de música municipal de Llanera ufierta güei vienres 3 un conciertu del tríu de folk DRD. La entrada ye de baldre y ellí vamos poder ver los cantares de Namái -discu del grupu- amás de dalguna pieza de repertoriu nuevu.

El conciertu ye a les 20:00 hores dientro d'una serie d'actividaes que se desenvuelven nel espaciu escénicu de la Plaza L'Habana. Güei vienres tóca-y el turnu al folk, porque qu'ellí van tocar Diego Pangua -xiblata-, Dolfu Rodríguez -vigulín- y Rubén Bada -bouzouky-, los componentes de DRD, que sacaron en 2005 un discu que recibió y ta recibiendo perbones crítiques. Los más de los cantares de güei van ser los qu'igüen el so "Namái", pero'l grupu tamién tien pensao facer dalguna pieza nueva pa dir renovando los sos sones.