Dos asturianos nel Tour del centenariu

Güei entama en París la 90 edición del Tour de Francia, la carrera ciclista con más categoría nel mundu. Esti añu, la ronda gala cuumple 100 años d'una historia que namás s'interrumpió por culpa de les dos guerrres mundiales qu'azotaron Europa a lo llargo del sieglu XX. Nestos 100 años nunca pudo nengún asturianu ganar la carrera, pero ello nun quier dicir que nun hubiere protagonismu astur na ronda gala, onde'l meyor resultáu d'un ciclista del país foron los del desapaecíu José Manuel Fuente "El Tarangu" qu'acabó terceru na edición del 73, resultáu que repitió nel 74 el tamién desapaecíu Vicente López Carril. Pa caciplar nestos 100 años e ciclismu, el web del diariu l'Equipe ufierta esti especial, que pue completase con esti otru de Radio France y el palmarés históricu de Memoire du Cyclisme

Esti añu, la participación asturiana va tar en manes de dos corredores. D'una parte, Chechu Rubiera, que va ser otru añu más gregariu de postín pa Lance Armstrong, másimu aspirante al trunfu final. De la otra, Samuel Sánchez, que va correr col equipu vascu Euskaltel-Euskadi y que cuenta con metese na llucha pol maillot blancu al meyor corredor nuevu (menor de 25 años)