Doce muertos tres un ataque fundamentalista al selmanariu satíricu francés 'Charlie Hebdo'

Diez trabayadores de 'Charlie Hebdo' y dos policíes morrieron mientres un ataque fundamentalista al selmanariu satíricu francés. El so direutor, Stéphane Charbonnier, ye ún de los finaos.

Dos encapuchaos entraran na redaición de la espublización, asitiada en París, armaos con fusiles 'kalashnikov' al glayíu de 'Dios es grande' y 'Vamos a vengar al profeta' n'árabe, y principiaron a disparar de manera indiscriminada a los presentes. 'Charlie Hebdo' taba nel puntu de mira de los fundamentalistes dende la espublización d'unes caricatures de Mahoma nel añu 2006 y yá sufriera enantes dalgún ataque, anque non d'esta magnitú.

Según les últimes informaciones llegaes dende París, hai al menos cuatro persones graves. Tola ciudá ta n'alerta pola posibilidá d'ataques nuevos.