Dixebra pon el ramu en TPA a la segunda temporada del programa 'El Club Musical'

Esti martes va emitise en TPA'l capítulu caberu de la segunda temporada de 'El Club Musical'. Dixebra protagoniza esti episodiu, nel que van aldericar Xune Elipe y Primi Abella.

Cantante y guitarrista-compositor de la banda avilesina van falar sobre les connotaciones socio-polítiques de 'Tiempos modernos', el trabayu últimu de Dixebra, asina como de la so grabación, collaboradores y otres cuestiones sobre’l grupu y el discu. Una charra que se grabó n'Avilés, en concreto nel paséu de la ría y nes instalaciones ferroviaries antigües asitiaes al final d’él, "polo que representen de pasáu y presente pa la villa avilesina". El programa completaráse con una actuación de Dixebra, con temes de 'Tiempos modernos' y dalgunos de los clásicos de la banda, como 'Mañana fría' o 'La danza'. Too ello esta nueche a partir de les 23 hores.

Dende Goxe Producciones destaquen qu'esta segunda temporada de 'El Club Musical' tuvo "una acoyida mui bona y valió p’afitalu como’l gran referente musical audiovisual n’Asturies", polo qu'esperen continuar col programa "pa dar a conocer la bayura y calidá de la escena musical asturiana". Nesta ocasión, los telespectadores disfrutaron de trece propuestes asturianes de dellos estilos