Diego Pangua y Ana Cano, premiaos pol Centru Asturianu de Madrid

El Centru Asturianu de Madrid celebra güei n'Asturies la entrega de los sos clásicos premios "Urogallu de Bronce" . La nómina de premiaos inclúi a Jerónimo Granda

El Premiu Especial Mención Honorífica va esti añu a l'Asociación Aula de Paz-Camín de Mieres, mientres que los tradicionales Urogallos de Bronce van dir na so edición 2003 n'artesanía a José Manuel Sánchez Blanco; en grupos a Vezos Astures; en tonada a José Manuel Robledo; en corales al Coro "León de Oro" de Lluanco; en gaita a Diego Pangua; en gastronomía al restorán La Taberna de Viavélez; en festeyos a la organización del Día d'Asturies en Xixón; en personaxes populares a Jerónimo Granda; en bable a Ana Mª Cano González, Presidenta de l'Academia de la Llingua Asturiana; en defensa de la naturaleza asturiana a la Plataforma Fátima de Priañes. El Centru apurre tamién urogallos especiales a'l Guirria de Ponga, Tomás Noval Barredo, Graciano Lafuente y AICA, Asociación Internacional de Canción Asturiana.

El Conseyeru de Xusticia, Seguridá Pública y Rellaciones Esteriores, Francisco Javier García Valledor, el Director de l'Axencia Asturiana d'Emigración, Luis Miguel Fernández Romero, y el Director Xeneral de Rellaciones Institucionales y Asuntos Xurídicos, Isaac García Palacios, van asistir al actu, que va facese esti martes pela tarde en Salón d'Actos del Pabellón Central de la Feria de Muestres de Xixón