Día Internacional de la llingua materna

Como cada 21 de febreru, la Unesco celebra güei'l Día Internacional de la llingua materna, una fecha cola que la institución quier promover la diversidá llingüística. La fecha fai alcordanza de la muerte nel añu 1952 d'un grupu d'estudiantes en defensa del bangla, llingua de los bengalíes que daquella yera illegal nel Pakistán. L'Atles de Llingües Minorizaes de la UNESCO conseña que más de la metada de les seis mil llingües del mundu, ente elles l'asturianu, tán en peligru d'estinción.

La UNESCO inxertó al asturianu ente les llingües en peligru de desaniciu nelañu 2.002, alvirtiendo que l'idioma desapaez, ente otres causes, por culpa de que les xeneraciones más nueves nun reciben la escolarización apropiao, xenerando una resquiebra xeneracional que puede resultar definitiva. La UNESCO tamién remembra que less llingües nun desapaecen namás porque nun se tomen les midíes de conservación apropiaes, sinón tamién porque tengan que convivir con idiomes agresivos, como-y pasa a l'asturianu na so desigual competencia col castellán.

Más información en UNESCO, Llibru encarnáu de llingües en peligru d'Europa d'UNESCO, Serviciu de publicaciones d'UNESCO, EBLUL (European Bureau for Lesser-Used Languages ) Portal institucional de les llingües d'Europa