Desarrollu Rural apurre 190.000 euros pa la conservación del asturcón

La Conseyera de Mediu Ambiente y Desarrollu Rural del Principáu d'Asturies, Belén Fernández, firmó ayeri una resolución pola que se concede una subvención de 190.000 euros a l'Asociación de Criadores de Ponis de Raza Asturcón (Acpra) col oxetivu de promocionar y conservar la raza. La previsión de la Conseyería ye qu'esti programa de pomoción se desarrolle demientres el 2007, según informó'l Gobiernu asturianu al traviés d'una nota de prensa.

Anque la d'Acpra ye l'ayuda de más importe, recibieron tamién ayudes pa la promoción y conservación de la raza, l'Asociación de Criadores d'Oveya Xalda, l'Asociación de Criadores d'Asturiana de la Montaña y l'Asociación de Criadores de Cabra Bermeya. Ente estos tes colectivos, la Conseyería aprobó un montante global de 220.000 euros n'ayudes. Otres ayudes, por importe de más d'un millón d'euros y destinaes a la meyora xenética de la raza y la so promoción, foron pa l'Asociación Asturiana de Control Llecheru de vaca pinta y l'Asociación Española de Criadores de Ganáu Vacunu de la Raza Asturiana de los Valles.