Denuncien un arramáu nel ríu Nalón al altor de Trubia

La Coordinadora Ecoloxista d'Asturies denunció esti vienres un arramáu nel ríu Nalón. Apreciaron esplumes "de supuesta procedencia industrial" nun tramu significativu cerca de Trubia.

Los ecoloxistes treslladaron esta situación a la Confederación Hidrográfica del Cantábricu y al Gobiernu cola intención de que dambes alministraciones "entamen una investigación pa determinar la toxicidá de lo arramao, pa que se tomen midíes pa evitar nuevos vertíos y sancionen de manera afayadiza a los responsables; que nun-yos salga mas barato verter que depurar". D'igual forma, recuerden qu'estos episodios son mui habituales nos ríos asturianos "pola permisividá qu'hai col mal funcionamientu de munches empreses que verten nes sos proximidaes".