De compres per Porrúa

El mercáu de Porrúa ye una oportunidá pa mercar miolenta productos asturianos, pero tamién una forma d’averáse a delles espresiones de la cultura asturiana.

El sábadu 21 y el domingu 22 ye una cita clásica nel conceyu de Llanes cola celebración del mercáu tradicional en Porrúa. Yá son diez años de mercáu organizáu pola Asociación Cultural Llacín, y na edición d’anguaño quieren volver a llenar Porrúa d’un ambiente especial. Pa ello hai pensaes actividaes pensaes a lo llargo de los dos díes. El sábadu y el domingu pela mañana y pela tarde va haber pasucais, malabares, xuegos y baille tradicional colos grupos Xuno y Los Campones. El sábadu de nueche va haber un espectáculu del Colectivu Piromante, malabares y un conciertu de “La Bandina” a les 23:30 hores. Amás va haber los típicos puestos, y muestres en vivo d’artesanos y artesanes de llana, cerámica, madreñes, o gaites. La organización del mercáu quier informar a tolos que s’animen a dir hasta ellí en coche que la entrada va ser per Celorio y la salida per Pancar.

Nun ye lo único que pue facese n'Asturies esti fin de selmana: El Descensu Folklóricu del Nalón en Llaviana, la Fiesta de San Timoteo en L.luarca o la fiesta del Asturcón en Colunga son otres de les posibilidaes qu'ufierta un fin de selmana nel que, anque llueva, el veranu entovía nun quier dexanos. Pa conocer más actividaes encamentamos visitar la Guía Asturiactiva