Díez disuelve la direición d'UPyD n'Asturies y impón una xestora

Rosa Díez nun almitió les crítiques recibíes n'Asturies y decidió disolver la direición d'UPyD nel país y imponer una xestora. Ignacio Prendes podría nun ser el candidatu nes Nacionales.

La direición estatal d'Unión Progreso y Democracia (UPyD) comunicó ayeri a la militancia esti polémicu pasu que llega tres les crítiques recibíes dende Asturies pola reaición de Díez tres el fracasu del partíu nes eleiciones andaluces y l'apaición de Ciudadanos. Precisamente esta tarde taba prevista una asamblea nel Auditoriu d'Uviéu nel que diba plantegase un pidimientu de dimisión de tola cúpula de la formación. Según confirmó Prendes, representante únicu d'UPyD na Xunta Xeneral, ésta va celebrase de toes formes.

Dada la situación, cola implantación d'una xestora n'Asturies a poco más d'un mes de les eleiciones, nun se descarta que Prendes nun sía'l candidatu definitivu pa les Nacionales d'UPyD.