Una obra de Díaz Trancho protagoniza la coronación del Rei Aurelio

Principien les fiestes de La Laguna, en L'Entregu, y con elles el IX Alcuentru Medieval. El Mercáu Medieval va abrir les puertes a les 18 hores de güei y, dos hores depués, va tener llugar la coronación del Rei Aurelio nel Teatru Municipal de L'Entregu, figura qu'esti añu va tar representada pol cocineru y presentador de TPA Christian González. El grupu de teatru Kumen va representar la obra 'El convidáu real', escrita por Iris Díaz Trancho pa la ocasión.

Yá de nueche va celebrase la cena medieval, a les 22 hores, y la primer gran verbena de les fiestes cola presencia de les orquestes Vivians y Versalles a partir de les 23 hores. Los festexos en L'Entregu van allargase hasta'l llunes.