Cursos d’Asturianu na UP de Xixón

La Universidá Popular. Fundación Municipal de Cultura, Educación y Universidá Popular del Ayuntamientu de Xixón convoca pa la Seronda de 2007 una ufierta de cursos d'asturianu, pa los que la matrícula ta abierta dende'l 11 de setiembre y hasta´l 24 del mesmu mes.Tolos cursos entamen los díes 4-5 d´ochobre y estos son los de llingua Asturiana Nivel I, que va tener 60 hores y va ponese nel
Centru Municipal Integráu d´El Llano los llunes y miércoles de 19.30 a 21.30 y el de Llingua Asturiana Nivel 2, tamién de 60 hores y que va facese en Centru de Cultura Antiguu Institutu los martes y xueves de 19.00 a 21.00.

Tamién va facese un cursu de traducción d'otres 60 hores nesti mesmu centru cultura Antiguu Institutu, poniéndose les clases los llunes y miércoles de 19.00 a 21.00h. Tamién en rellación cola cultura asturiana, va celebrase un taller de monologuismu nel Centru Municipal Integráu Ateneu de La Calzada los martes y xueves de 19.00-21.00 hores, con una duración de 20 hores.