Cursinos pa Emprendedores

La Escuela d´Organización Industrial (EOI) n´Asturies entama otru añu más los sos tradicionales cursinos pa emprendedores. El cursín "Creación y Desarrollu de PYMES" entama esti 22 de setiembre nes istalaciones del Centru Européu d´Empreses e Innovación (CEEI) asitiaes nel Parque Tecnolóxicu d´Asturies de Llanera. Esta ye la sétima edición del cursu que s´imparte n´Asturies gracies a la collaboración ente´l CEEI y la EOI. L´oxetivu d´esti cursín ye ayudar a tolos emprendedores del país a facer realidá los sos proyectos empresariales. Nel cursu van estudiase la viabilidá de les iniciatives de los emprendedores y el desarrollu d´unes clases teórico-práctiques sobre la direición d'empreses d´anguaño. El programa del cursu tien la garantía d´una de les meyores Escueles de Negocios. Una oportunidá pa da-yos sofitu a toles aquelles idegues empobinaes a entamar nueves empreses.