Cultura aprobó la protección a la redolada d’once cueves prehistóriques

El Conseyu de Patrimoniu Cultural d'Asturies aprobó ayeri nuna sesión que se celebró nes instalaciones de la cueva prehistórica del Pozu'l Ramu (Ribeseya) l'apautamientu de la contornada de 11 cueves prehistóriques y de seis elementos del Prerrománicu asturianu.

Les declaraciones sobre la redolada d'estes once cueves quier ser un refuerzu a la candidatura a Patrimoniu de la Humanidá del paleolíticu del cantábricu, reconociendo la Conseyera de Cultura qu'urxíen estes declaraciones en cuantes que se trataba del puntu más feble de la propuesta que se-y presentare a la ONU.

Anque na candidatura namás diben les cueves de El Pindal, Llonín, Candamu y la mesma del Pozu'l Ramu, la Conseyera esplicó que se decidió enanchar la declaración a les de les Caldes, La Viña. La Lluera, La Lloseta, la Cuevona Los Murciélagos, Les Mestes, Grau y Les Pedroses. Tocante a les zones de zonas de protección en monumentos del Prerrománicu, estos son los del Monte Naranco, la Ilesia de Santuyanu, la Cámara Santa y Foncalada n'Uviéu xunto con Santa Cristina de L.lena y Valdediós en Villaviciosa. Migoya tamién sorrayó que na llexislatura qu'acaba diéronse d'alta 37 Bienes d'Interés Cultural.