Cuando fuimos soberanos nel XIX
|
28 Mayu, 2020 por Fernando de la ...
El 25 de mayu del 1808 ye una fecha clave na historia d'Asturies. Esi día la Xunta Xeneral proclámase soberana y declara la guerra a Francia, lo que llevó a la organización d'un exércitu asturianu propiu y al unvíu d’embaxadores a Inglaterra pa pidir sofitu na llucha contra l’exércitu francés invasor. Amás supunxo la creación de la bandera, mui asemeyada a l'actual, que tomó como base una propuesta de Gaspar Melchor de Xovellanos d'años enantes col símbolu de la monarquía asturiana: la cruz de la victoria.
Esti gráficu ye una cronoloxía colos acontecimientos previos nesi mes de mayu al día 25, cuando la Xunta Xeneral se declara soberana y tresforma en Xunta Cimera. La lleenda posterior permite conocer les instituciones que se traten nel documentu.
La Xunta
La Xunta Xeneral yera l'órganu representativu del Principáu d'Asturies. Aconceyábase cada 3 años na sala capitular de la Catedral d'Uviéu y les sos sesiones duraben ente ún y dos meses.
L'Audiencia
La Real Audiencia yera la representación de la corona n'Asturies. Podemos comparalo cola Delegación del Gobiernu d'anguaño.
Un bon resumen de los acontecimientu de mayu del 1808 tenémoslu nesti videu del historiador Faustino Zapico:
| Adxuntu | Tamañu |
|---|---|
 Cronoloxía mayu 1808 | 281.84 KB |
Efrén d'Andrés
Lo + visto de la selmana
