Crisis na fábrica de Suzuki

Dempués de l'anuncia de pieslle d'una de les plantes de Dupont n'Asturies y del nuevu plan de mengua del gastu n'Aceralia, una tercer industria asturiana enfrenta una crisis. La fábrica de motos de la Suzuki en Xixón vive güei otru día de paru de 24 hores nuna espera tensa a la fuerza que va durar hasta'l martes, que va ser cuando se decida si s'acepta l'ultimatum de la empresa xaponesa pa desatrancar el conflictu llaboral

La propuesta de la empresa, que-yos llegó a los trabayadores al traviés de la Conseyería de Trabayu, que ta faciendo de mediadora nesti conflictu, inclúi esixencies de productividá asemeyaes a les de los documentos de prealcuerdu que llevaron a l'actual fuelga. Los sindicatos suxireron que s'aceptare la propuesta de la empresa dempués de que la Conseyería diere a conocer que la empresa amenazó col posible pieslle definitivu de la fábrica de Xixón en casu de que nun se llegue a un alcuerdu, mientres que la plantiya, enraxonada enforma cola situación, echa pela conseyería a la qu'acusa de facer de mediadora de los intereses de la empresa.