Corvera entama a normalizar la so toponimia con 29 señales

El conceyu de Corvera entamó ayeri cola retulación de los sos nomes de llugar acordies cola toponimia nuevo qu’aprobó’l conceyu en plenu’l pasáu mes d’abril. Estos topónimos tán entovía pendientes del so pasu per Conseyu de Gobiernu, un trámite que nun echó p’atrás al conceyu pa entamar cola oficialización “de fechu” de la so toponimia tradicional. 29 cartelos nes parroquies corveranes de Molleda, Cancienes, Solís y Les Vegues prendieron un procesu de retulación que va siguir hasta rematar tola rotulación de Corvera, completando los 150 topónimos revisaos. El conceyu contó pa ello con una subvención de 3.500 euros de la Conseyería de Cultura, poniendo de los sos fondos otros 520 euros pa completar el coste d’esta primer tanda.