Contaminación nel Ríu Güerna

El ríu Güerna lleva yá dellos díes baxando suciu dende L.lena, según denunció la Coordinadora Ecoloxista d´Asturies, qu'afirma que la causa d'ello son los vertíos procedentes de les obres de la variante ferroviaria del Puertu Payares. L'asociación ecoloxista, que denunció la situación énte la fiscalía de mediu ambiente del Tribunal Superior de Xusticia d'Asturias, asegura que ye la segunda ocasión en que se produz esta contaminación nes últimes selmanes.

Restos d'hormigón, cementu y grasa son los contaminantes que tomen el ríu dende Campumanes hasta L.lena, unos vertíos que la Coordinadora afirma qu'incumplen l'estudiu d'impactu ambiental de la variante ferroviaria del 2002, polo que l'ente Alministrador d'Infraestructures Ferroviaries, titular de les obres, tendría que tomar midíes y ampliar la planta de tratamientu d'agua pa evitar estes contaminaciones. La Coordinadora afirma que'l PH del agua del ríu llegó a niveles d'once puntos, cuando nun debería pasar de 9, amás de presentar el calce altos conteníos de partícules en suspensión.