Consuelo Vega, posible nueva directora xeneral de Promoción Cultural

La filóloga y escritora n'asturianu Consuelo Vega (Bustiyé, Ayer, 1961) podría convertise na nueva directora xeneral de Promoción Cultural del gobiernu asturianu en sustitución de Carlos Madera, según adelantó ayeri n'esclusiva'l diariu La Nueva España.

Ensayista en llingua asturiana, Consuelo Vega trabayaba hasta agora nel Institutu d'Alministración Pública Adolfo Posada. Ente les sos obres tán "Cera frío"qu'algamó'l premiu Llorienzu Novo Mier y l'ensayu "Del centru a la periferia" que firma xunto col director d'Ediciones Trabe, Antón García. Ente la so obra más recién ta l'antoloxía de monólogos escritos por muyeres "Ente muyeres" mientres que dende va dellos meses dirixe y presenta na Radio del Principáu d'Asturies l'espaciu de cultura y actualidá "Paraísu natural"