El Tribunal Constitucional suspende la consulta catalana

El Plenu del Tribunal Constitucional almitió a trámite por unanimidá'l recursu del Gobiernu estatal al referéndum catalán del 9 de payares. Tien cinco meses pa tomar una decisión.

Los doce maxistraos aconceyaron cinco hores depués del recursu gubernamental tres la consulta de soberanía anunciada'l sábadu por Artur Mas, presidente de Catalunya, pal 9 de payares. Esta priesa vieno por "la trescendencia constitucional y política de les cuestiones plantegaes", según esplicó'l propiu Tribunal Constitucional, que nos cinco meses próximos ha de decidir si caltién la decisión de suspender la consulta o la revoca.

El Gobiernu catalán ta acabante d'anunciar la paralización de la campaña institucional aniciada por mor del 9-P, anque afirma que'l procesu sigue p'alantre. Mentes, los partidarios de la independencia de Catalunya entamen protestes nesta xornada tres conocer la decisión del Constitucional d'ayeri. Asina, l'Assemblea Nacional Catalana (ANC) convoca concentraciones en tolos ayuntamientos del país pa les 19 hores.