Cueto abre'l ciclu de conferencies de la UABRA

Esta tarde va celebrase la primer de les cuatro conferencies de la Universidá Asturiana de Branu (UABRA), que van tener como sede'l salón d'actos de la Escuela-Hogar de Cangas, siempre a les 19 h.

El doctor en Psicoloxía y caderalgu del departamentu de Psicoloxía de la Universidá d'Uviéu va falar de los 'Trestornos del llinguax na xente mayor y l'Alzheimer'. Completen esti ciclu d'actividaes paraleles a la llectiva les charres 'Les aportaciones caberes de la llingua asturiana nes nueves teunoloxíes (TIC)', a cargu de Xandru Armesto (xueves); 'La esperiencia del emplegu de la llingua asturiana nos informativos de la RPA', a cargu de Naciu Varillas (martes 5); y 'Polítiques sociales de dignificación del asturianu. Iniciatives a curtiu y mediu plazu', a cargu d'Ana Fueyo (xueves 7).