Conceyu Abiertu por Noreña consulta a los vecinos la postura de los sos dos ediles

Los vecinos de Noreña tán llamaos a participar el llunes nuna xunta na que Conceyu Abiertu va decidir la so posición de cara al Plenu pa la formación del gobiernu. Hebo contautos con IPÑ.

El conceyu abiertu, siguiendo'l funcionamientu asambleariu de la organización, va celebrase a les 21 hores nes aules de talleres del Depósitu d'Agua Antiguu. Los responsables de Conceyu Abiertu por Noreña van esponer los asuntos aldericaos con Independientes por Noreña (IPÑ), formación que ganó les eleiciones al sumar 4 conceyales, por 3 del PSOE, 2 de Conceyu Abiertu y Izquierda Xunida, y 1 del PP, pa depués decidir qué postura van caltener nel Plenu del que va salir el gobiernu municipal nuevu. Hai que destacar qu'IPÑ ye la única formación que se dirixó a Conceyu Abiertu hasta'l momentu.