Cigua pa Fernando Alonso n’Hungría

El pilotu asturianu de Fómula 1 tuvo la mala suerte de llevar un toque col hermanu pequeñu de Michael Schumacher na salida que lu echó al fondu de la clasificación. Dempués de ermontar seyes puestos nuna de les pistes más estrenches del mundial, Alonso acabó 11, fuera de los puntos. La cigua del asturianu foi completa en cuantes que per alantre Kimi Raikonen, el mayor rival del asturianu, consiguió adelantar al Ferrari de Michael Schumacher y ganar la carrera, colo que-y taragaña diez puntos al asturianu na llucha pol mundial. El Ferrari de Schumacher demostró que tien recuperao dello del tirón que lu fexo campeón del mundu l'añu pasáu y que pue ser l'árbitriu del terciu final del campeonatu na llucha pol mundial, mientres que la suerte foi agradecida col verdugu de Fernando Alonso, acabando'l pequeñu de los Schumacher la preba húngara del mundial na tercer plaza del caxón.