Científicos del CSIC alcuentren nel cabrales bacteries que causen resistencia a los antibióticos

Un equipu del Conseyu Superior d'Investigaciones Científiques (CSIC) dio anuncia de qu'alcontrare en muestres de quesu cabrales asturianu de bacteries "Lactococcus lactis" portadores d'un xen que presenta resistencia a la tetraciclina, un antibióticu común que s'alministra pa desaniciar infecciones causaes por bacteries nes víes respiratories, la piel, el sistema urinariu y contra los causantes de la úlcera d'estómadu. L'afayu de la bacteria diose nel marcu d'una investigación na que participen 7 países y que busca bacteries nel lleche y los sos derivaos que causen resistencia a antibióticos. Namás el Cabrales asturianu y el Sola, un quesu italianu, presentaron estes bacteries na so pasta.