Chipre baltia la muria que dixebra Nicosia

Les autoridaes greco-chipriotes entamaron esta mañana a baltar la muria qu'estremaba la capital de la islla de Chipre, Nicosia. Esta muria ye parte de la llinia verde qu'estrema a griegos y turcos dende l'añu 1974, cuando Turquía invadió la parte norte de la islla. El presidente grecochipriota Tassos Papadopoulos aprobó'l derribu de la paré y calificólu de "xestu de bona voluntá". Les obres de derribu entamaron precisamente pela cai Ledra, que ye una de les más importantes de la ciudá.


Chipre estrémase ente'l sur grecochipriota, reconocíu internacionalmente como gobiernu llexítimu, y la zona turca, del norte, onde Ankara tien asitiaos 40.000 soldaos. Dende l'añu 2004, cuando los grecochipriotes refugaron un plan de Naciones Uníes pa la reunificación de la islla que sí aceptó la parte turca, los esfuerzos pa la reunificación de la islla siguen de manera intermitente, mientres que les Naciones Uníes xestionen la "Llinia Verde" qu'estrema les dos partes